चीनबाट नेपालको लागी रेल गुडेपछि भारतभर हंगामा, हतियार समेत आउने भन्दै त्रास
नेपालमा भूकम्प गएपछि समाचार संकलन गर्न आएका भारतीय संचारकर्मीहरुको हरकतलाई लिएर नेपालमा त बिरोध भयो नै भारतमा पनि त्यसको चर्को बिरोध गरियो । भारतका वरिष्ठ संचारकर्मीहरुले भारतीय मिडिया संसारमै सबभन्दा खराब रहेको टिप्पणी पनि गरे ।
यसको अर्को उदाहरण भारतको न्यूज २४ ले दिएको छ । चीनबाट नेपालका लागि सामग्री लिएर कार्गो रेल सिगात्से आउँदै गरेको समाचारलाई लिएर सो मिडियाले त्यसबाट हतियार आउनसक्ने भन्दै भ्रम फैलाउने काम गर्यो ।
न्यूज २४ ले भविष्यमा नेपाल र भारतबीच युद्ध हुनसक्ने आशंका उठाउँदै यदि भारतले आक्रमण गरेरमा त्यसका लागि नेपाल सक्षम होस् भनेर हतियार पठाउन सक्छ ।
उसले लेखेको छ, चीनले नेपालमा आफ्नो दवाव बढाउँदै रेल र सडक सेवा सुरु गरेको छ । नेपाली जनताको दैनिक आवश्यकता परा गर्न र भारत निर्भरता घटाउन चीनले यो कदम चालेको हो ।
चीनले नेपालमा यी सामानसंगै हतियार पनि पठाउनसक्ने आशंका गर्दैै चीन पाकिस्तान र नेपाललाई उपयोग गरेर भारतलाई समस्यामा पार्ने रणनीतिमा लागेको छ ।
यो समाचारको सत्यता कति छ भन्नेमा सबै जानकार छनु । तर पनि भारतीय मिडियाहरु हुँदै नभएको विषयलाई लिएर ठूलो हौवा खडा गरी सत्य सावित गर्ने प्रयास गर्दछन् । उनीहरुमा बेलायती उपनिवेशकालीन मानसिकता अझै कायमै छ । यो मानसिकता राजनीतिक र प्रशासनिक तहमा पनि छ ।
भारतसंग सीमा जोडिएका दक्षिण एसियाका मुलुकहरुले अर्को देशसंग सम्बन्ध बढाउँदा समेत भारतको टाउको दुख्छ । उनीहरु यसलाई भारतबिरुद्धको खेल भन्दै पर्चावाजी सुरु गर्दछन् ।
संविधान जारी भएपछि भारतले संविधानबिरुद्ध भ्रम छर्दैगएको त्यसलाई भारतीय संचार माध्यमले मलजल गरेको जगजाहेर विषय हो । भारतकै नाकाबन्दीले नेपालले चीनसंग व्यापार तथा पारवहन सम्झौता गरेपछि चीन र नेपालबिरुद्ध चर्को बिरोध गर्दैआएका उनीहरुले पछिल्लो कदम त्यही मेसोमा केन्द्रित छ ।
0 comments
Write Down Your Responses