बरिष्ठ संगीतकार अम्बर गुरुङको राष्ट्रिय सम्मान सहित यसरी अन्त्येष्टि गरियो
२५ जेठ, काठमाडौं । दिवंगत वरिष्ठ संगीतकार अम्बर गुरुङको पशुपति आर्यघाटमा राष्ट्रिय सम्मानका साथ अन्त्येष्टि गरिएको छ । हिन्दु र वौद्ध परम्पराअनुसार उनको अन्त्येष्टि गरिएको हो ।
आर्यघाटमा उपप्रधानमन्त्री तथा रक्षामन्त्री भीम रावलले पार्थिव शरिरमा राष्ट्रिय झण्डा ओढाइ स्वर्गीय गुरुङप्रति सम्मान प्रकट गरे ।
तीन छोरामध्ये जेठा छोरा किशोरले दागबत्ती दिएका थिए ।
अन्तिम संस्कार गर्ने क्रममा बौद्ध लामाले बौद्ध संस्कारअनुसार मन्त्रोच्चारण गरेका थिए । त्यस्तै नेपाली सेना र नेपाल प्रहरीले सलामी अर्पण गरेका थिए ।
गीतकार र गायकसमेत रहेका गुरुङको ७९ वर्षको उमेरमा मंगलबार ग्राण्डी अस्पतालमा उपचारको क्रममा निधन भएको थियो ।
यसअघि उनको पार्थिव शरिर अस्पतालबाट ल्याएर प्रज्ञा भवन कमलादीमा राखिएको थियो । कमलादीबाट शवयात्रासहित आर्यघाट पुर्याइएको थियो । गुरुङको अन्तिम बिदाइमा गीत–सङ्गीत क्षेत्रका व्यक्ति र सर्वसाधारण सहभागी थिए ।
0 comments
Write Down Your Responses