माओवादी एकतापछि गगनले भने, ‘कांग्रेस पतन हुने दिन सुरु भयो’
७ जेठ, काठमाडौं । विभाजित माओवादीहरुबीचको एकीकरणपछि नेपाली कांग्रेसका युवा नेता गगन थापाले माओवादी एकताले कांग्रेसलाई चुनौती थपिएको बताएकाक छन् ।
पर्टीका नेता कार्यकर्तासँगको कुराकानीमा उनले फुटेका माओवादी जुट्नु भनेको अर्का दलहरुका लागि चुनौतीको विषय बनेको बताएका हुन् ।
माओवादी फुट्दै जाँदा अन्य दलले फाइदा उठाएको बताउँदै उनले जुटेपछि सबै सशंकित भएको समेत बताए ।
‘बिहीबार भएको माओवादी एकताले सबै राजनैतिक दलको पतनको बाटो सुरु भएको छ, त्यसैल अब कांग्रेस नयाँ विचार र सिद्धान्तका आधारमा अघि बढ्नुपर्छ नभए कांग्रेस सिद्धिन्छ’ उनले भने । माओवादी एकता हुनु भनेको कांग्रेस सहितका राजनैतिक दलको पतनको बाटो सुरु भएको समेत उनले जिकिर गरे ।
प्रचण्ड मास्टर माइण्ड भएको मान्छे भएको प्रसंग कोट्याउँदै उनले माओवादीबीचको एकता प्रचण्डको भिजन र योजनाका कारणले भएको बताए ।
माओवादी पार्टी देशको एक नम्बरको बन्न सक्ने संकेत दिँदै उनले देश माओवादी नेतृत्व गर्न सक्ने समेत बताए । कांग्रेसभित्र निकै राम्रा र उदाउँदा युवाका रुपमा चिनिने गगनले माओवादी एकताको विषयमा मुख खोलेपछि राजनैतिक वृत्तमा समेत चर्चा भएको छ । ‘एकतापछि उहाँ निकै चिन्तित र भिजन बनाउन लाग्नुभएको छ, कांग्रेसलाई नयाँ ढंगबाट अघि बढाउनुपर्छ भन्ने उहाँको भनाई छ’ स्रोतले भन्यो ।
कांग्रेसलाई नयाँ ढंगबाट अघि बढाउन आफूले नेतृत्वलाई दबाब दिने समेत उनले बताए । नेतृत्व नसच्चिए कांग्रेस सकिने समेत उनको दावी छ ।
0 comments
Write Down Your Responses