चितवनका तीन जना विद्यार्थी शुक्रबारदेखि बेपत्ता, खोजी कार्य गरिदिन परिवारको सबै फेशबुक प्रयोगकर्तामा अपिल
रत्ननगर, १९ वैशाख । पूर्वी चितवनका ३ जना विद्यार्थीहरु गत शुक्रबार देखि बेपत्ता भएका छन् ।
कालिका नगरपालिका, वडा नं. ६, खोलेसिमलका अस्विन धमला, कालिका–६, गुराउचौरका थोमस लामिछाने र कालिका–८, लंकालाईनका राजु गुरुङ्ग बेपत्ता भएको परिवारजनले जनाएका छन् ।
स्थानीय सिद्धिविनायक आवासिय मा.वि. मा कक्षा ८ मा अध्ययनरत १४ वर्षिय विद्यार्थीहरु विद्यालय जान भनी घरबाट हिडेका र खोलेसिमल बजारबाट बेपत्ता भएको थोमस लामिछानेको बुबा विवेक लामिछानेले जानकारी दिनुभयो ।
घरबाट केहि रकम समेत लिएर गएकाले उनीहरुको खोजी कार्य भईरहेको परिवारजनले बताएका छन् ।
बेपत्ता विद्यार्थीको खोज तलास गरी पाऊँ भनी इलाका प्रहरी कार्यालय रत्ननगर, टाँडीमा निवेदन दर्ता भएको र सोही अनुसार खोजी कार्य भईरहेको इलाका प्रहरी कार्यालय टाँडीका प्रमुख प्रहरी नायव उपरिक्षक जयराज सापकोटाले जानकारी दिनुभयो ।
बेपत्ता विद्यार्थीहरुलाई देख्नु हुने वा भेट्नु हुने महानुभावले नजिकको प्रहरी कार्यालय वा अभिभावकको फोन नं. ९८४५०४४३१३, ९८०४२२९२३७ र ९८५१००९४७४ मा खबर गरिदिनुहुन समेत परिवारजनले अपिल गरेका छन् ।
0 comments
Write Down Your Responses