चर्चित फुटबल हिरो मेस्सीलाई २१ महिनाको जेल सजाय
एजेन्सी,२२ असार,
स्पेनको एक अदालतले अर्जेन्टिनी फुटबल स्ट्राइकर लियोनेल मेस्सीलाई २१ महिनाको जेल सजाय सुनाएको छ । स्पेनिस फुटबल क्लव बार्सिलोनाका स्ट्राइकर मेस्सीलाई कर छलेको आरोपमा अदालतले दोषि ठहर गर्दै जेल सजाय सुनाएको बिबिसीले जनाएको छ । अदालतले उनका बाबु जोर्गे मेस्सीलाई पनि २१ महिनाको जेल सजाय सुनाएको छ । मेस्सीले सन् २००७ देखि २००९ सम्ममा स्पेनमा फोटो बेचेर कमाएको ४६ लाख अमेरिकी डलर उनका बाबुले कर छलेर कर नलाग्ने देश उरुग्वे र बेल्जियममा प्रयोग गरेको आरोपमा उनीहरुलाई दोषि ठहर गरिएको हो ।
बार्सिलोनाको अदालतले सुनाएको सजायँलाई चुनौति दिन मेस्सीका बाबु–छोरा त्यहाँको सर्वोच्च अदालतमा जान सक्नेछन् । त्यसैले यो मुद्दा सर्वोच्चबाट फैसला नहुँदासम्म उनीहरुले जेल बस्नु पर्ने छैन । साथै स्पेनको कानुन अनुसार २ वर्षभन्दा कम जेल सजाय पाउने व्यक्तिले परीक्षणकाल ( जेलबाहिर कै नियन्त्रण) मा बसेर पनि सजाय कट्टा गर्न सक्छन् । अर्जेन्टिनी राष्ट्रिय टोलीबाट सन्यासको घोषणा गरिसकेका मेस्सीले भने आफ्नो आर्थिक गतिविधिबारे आफूलाई कुनै जानकारी नभएको बताउँदै आएका छन् ।
0 comments
Write Down Your Responses