सनसनीपूर्ण खुलासा: उपेन्द्र यादबलाई सत्तारुढ दलको ५२ करोड अफर प्रकरण (अडियो प्रमाण सहित)
काठमाडौं – सत्तारुढ दलले संघीय गठबन्धनका संयोजक उपेन्द्र यादवलाई अविश्वासको प्रस्ताव विफल बनाउनका लागि ५२ करोड रुपैयाँको अफर दिएको समाचार रातोपाटीमा प्रकाशित भएपछि सत्तारुढ दल र यादव दुवैबाट प्रतिक्रियाहरु बाहिर आएका छन् । दुवै पक्षले यो समाचार सत्य नभएको दाबी गरेका छन् ।
रातोपाटीले दुई पक्षबीच भएको भेटघाटको सूचना गत साउन २ गते नै प्राप्त गरेको थियो । तर, त्यसको पुष्टि नभएपछि समाचारलाई प्रकाशित गरिएको थिएन । संघीय समाजवादी फोरम नेपालका अध्यक्ष उपेन्द्र यादवले गठबन्धनका नेताहरुलाई आफै सत्तारुढ दलको तर्फबाट ‘आफूलाई ५२ करोडको अफर आएको तर अस्वीकार गरेको’ ब्रिफिङ गरेपछि गठबन्धनका विभिन्न नेताहरुको भनाईको आधारमा रातोपाटीले समाचार तयार पारेको हो ।
रातोपाटीले समाचार पुष्टि गर्नका लागि गठबन्धनमा आबद्ध विभिन्न दलका चार जना नेताहरुसँग यस विषयमा सोधपुछ गरेको थियो । जसमा चारै नेताहरुले यादवले आफूहरुलाई यस विषयमा ब्रिफिङ गरेको स्वीकार गरेका थिए । यद्यपि, उनीहरुले आफ्नो नाम उल्लेख नगर्न आग्रह गरेपछि ‘स्रोतको सुरक्षा’ बारे आधारभूत मान्यतालाई आत्मसाथ गर्दै उनीहरुको नाम गोप्य राख्दै चार दिनपछि साउन ६ गते मात्र रातोपाटीले यस विषयमा समाचार प्रकाशित गरेको हो ।
समाचारमाथि गम्भिर आरोप लगाएपछि रातोपाटीले आफ्ना पाठकहरुलाई उक्त समाचारको प्रमाण पस्कनुपर्ने आवश्यकता महसुस गरेको छ ।
हाल रातोपाटीसँग गठबन्धन र यादवकै पार्टीका चार नेताहरुसँग गरेको अडियो प्रमाण सुरक्षित रहेको छ । तर, नेताहरुले आफ्नो नाम उल्लेख नगर्न आग्रह गरेपछि हामीले नेताहरुको नाम र सबै अडियो भने यहाँ पस्केका छैनौं । आवश्यक निकायमा अडियो प्रमाणहरुलाई रातोपाटी तयार रहेको छ ।
सुन्नुहोस् एक नेताले रातोपाटीसँग गरेको कुराकानीको सानो अंशः
भिडियो श्रोत: निपोन टिभी न्युज श्रोत: रातो पाटी
0 comments
Write Down Your Responses