काबुलमा मारिएका जीतेन्द्रका दुई श्रीमती पैसाको लागि यसरी शव तानातान
काठमाडौं, ७ असार – अफगानिस्तानको काबुलमा मारिएका रुपन्देही बुटवलका जीतेन्द्रसिंह थापाको शव काठमाडौ आउन पाउँदा–नपाउँदै शव कसले बुझ्ने भन्नेमा विमानस्थलमा विवाद देखिएको छ । जीतेन्द्रको शव बुझ्न जितेन्द्रकी पहिलो श्रीमती र आफन्त पनि एयरपोर्ट आएपछि चार महिनाको दुधे बालक बोकेर एयरपोर्ट पुगेकी कान्छी श्रीमती सञ्चिता तनाब र अलमलमा परेकी छन् ।
जीतेन्द्र/सञ्चिताको चार महिने बच्चाको साथमा सञ्चिताकी दिदी
धर्म परिवर्तन गरेका कारण जेठी श्रीमती गौमती थापासँग सम्बन्ध विच्छेद गरेका जीतेन्द्रले २०७१ फागुनमा महोत्तरीकी सञ्चितासंग काठमाडौंमा बाजा बजाएर बिहे गरेका थिए । जितेन्द्रको कान्छी श्रीमतीबाट बच्चा जन्मेपनि विवाह दर्ता भने भएको छैन ।
जीतेन्द्रले बुटवलमा रहेको घर पनि पहिलो श्रीमतीसँग अंशबण्डा गरिसकेका छन् । तर जेठी श्रीमती गौमतीले पनि शवमा दाबी गरेपछि यतिखेर कान्छी तनावमा परेकी छन् । जेठीसँग सम्बन्ध विच्छेद भए पनि जेठीपट्टिका छोरा बिमल थापालाई कान्छी सञ्चिताले खर्च दिएर ब्रिटिस आर्मीमा प्रतिस्पर्धाका लागि तालिम गराइरहेकी छन् ।
जीतेन्द्रका भाईहरु लगायत आफन्त यतिखेर कान्छीको पक्षमा उभिएका छन् । ‘आइतवार राती जीतेन्द्र ज्वार्इँसंग एकघण्टा लामो कुराकानी भएको थियो, कात्तिकमा आएर बिहे दर्ताको कुरा भएको थियो’ संचिताकी दिदी सविता लामाले लोकान्तरसँ भनिन् ।
बिमानस्थलमा जेठी तर्फका छोरा बिमल पनि पुग्दैछन् । कान्छी श्रीमती सञ्चिताकी दिदी सविताले पैसाकै लोभका कारण अंशवण्डा भइसकेकी जेठी श्रीमती शव दाबी गर्न आएको आरोप लगाइन् ।
श्रोत: लोकान्तर
0 comments
Write Down Your Responses